drs is ‘n organisatie die in 2004 op-ericht is en die helpt bi-j ‘t op de markt brengen van ingewikkelde medische hulpmiddelen. Wi-j bedenkt meneren woordeur plaatseleke autoriteiten, woor ok in de weerld, die producten goedkeurt zodat ze zo gauw as ’t kan, verkocht könt worden.
Doorbi-j is ‘t ‘n feit dat ’t niet makkelek is um die goedkeuring te kriegen, ok al umdat der nogal ’s wat verandert. Maor wi-j hebt ’n goed inzicht in wat der op dit ogenblik spölt en doorumme kö’w helpen um zo gauw meugelek goedkeuring veur ni-je producten te kriegen in ’n ni-je markt.
Umda’w an-eslotten bunt bi-j branche-organisaties en warkgroepen die zich met standaardisering bezeg holdt, bu’w goed op de hoogte van wat der in de toekomst an eisen esteld geet worden, o.a. deur ni-je wetten, ni-je standaarden of ni-je trends. Zo he’w al vanaf de joren 90 goeie contacten met aoverheden in EU, USA, Canada en ’t Verre Oosten.
Wat heel belangriek is, is dat ’t registreren van producten en ’t naogaon of die producten betrouwboor bunt, hoe langer hoe meer samengaot. Wi-j hebt kennis en ervaring op beide vakgebieden en doorumme kö’w in onze adviezen dooraover ’n deurdacht oordeel geven.
Doornäöst adviseert wi-j hoe ’t registreren van producten en de controle of die producten betrouwboor bunt ’n vast onderdeel kan zun zodat ze ok in andere projecten uut-evoerd könt worden.
En wi-j helpt um der veur te zorgen dat ’n product naodat ’t goed-ekeurd is, op de markt kan blieven ok al zollen controles muujlekheden opleveren of wetten veranderingen verlangen.
